திராவிடர் தொழிலாளர் கழகமும் ஆர்டிசான் பயிற்சி வகுப்பும்

ஆர்டிசான் பயிற்சி வகுப்பு
பெல் நிறுவனத்தில் 1984க்குப் பிறகு புதிய வேலைவாய்ப்பு எதுவும் இல்லை. 2005க்குப் பிறகுதான் ஆர்டிசான் நியமனங்கள் நடைபெற்றன. அதில் வடநாட்டார் அதிகம்

தேர்வானார்கள்.தமிழர்கள் சிறுபான்மையினராகக் கூடிய வாய்ப்புகள் உருவாகின. இதனைப் பயன்படுத்தி இங்கு ஒரு சிலர் பயிற்சி வகுப்பு நடத்துகிறோம் என்ற பெயரில் பயிற்சியாளர்களிடம் ஏராளமான தொகையை வசூல் செய்து வணிகமயமாக்கினர். சில தொழிற்சங்கங்கள் இலவசமாக நடத்தினர். ஆனால் பாரதீய மஸ்தூர் சங்கம் மட்டும் அதை வேறு நோக்கத்தில் பயன்படுத்த ஆரம்பிதது.

பிஎம்எஸ் உறுப்பினரால் சிபாரிசு செய்யப்பட்டவர் மட்டும்தான் பயிற்சி வகுப்பில் சேர்த்துக் கொள்ளப்படுவார்கள். அவர்கள் சொல்லக்கூடிய கட்டணத்தை கொடுக்க வேண்டும். பயிற்சிக்குப்பின் இங்கு தேர்வாகிவிட்டால் தங்கள் சங்கத்தில்தான் சேர வேண்டும் என்ற நிபந்தனைகளுடன் வகுப்பு எடுத்தார்கள். இடையிடையே ஆர்எஸ்எஸ் சின் நச்சுக் கருத்துக்கள் மாணவரிடையே போதிக்கப்படும்.

அப்பொழுது நடைபெற்ற தேர்வில் குறிப்பிட்ட ஆர்டிசான்கள் வெற்றி பெற்றதை யடுத்து நாஙகள் இப்படியெல்லாம் சேவை செய்கிறோம். அதனால் எங்கள் சங்கத்தில் சேருங்கள் என தொழிலாளர்களிடம் ஏமாற்றி வந்தனர்.

அவர்களிடம் பயிற்சிபெற்று பணியில் சேர்ந்த ஊழியர்கள் தங்கள் சங்கத்தில் சேராவிட்டால் அவர்களை மிரட்டுவது இன்னும் நீ டெம்ப்பரவரிதான். எங்கள் சங்கத்தில் சேர்ந்தால்தான் உன்னை நிரந்தரமாக்கச் சொல்வோம். இல்லையென்றால் உன் வேலைக்கே உலை வைக்க வேண்டியதிருக்கும் என மிரட்ட ஆரம்பித்தனர்.
இது நம்மிடம் புகாராக வரவே அவர்களது சூழ்ச்சியை நாம் அம்பலப்படுத்தினோம். அதற்கு பதில் சொல்வதாக நினைத்து ஏதேதோ உளறினார்கள். கடைசியி;ல் சவால் விட்டார்கள். உங்களால் பயிற்சி வகுப்பு நடத்த முடியுமா? என்று.

அந்த சவாலை ஏற்று நாமும் பயிற்சி வகுப்பு நடத்த எண்ணி இருந்த நெரத்தில் நண்பர் சுந்தர் அவர்களும் முத்துக்குமார் அவர்களும் தாமாக முன்வந்து வகுப்பு நடத்த ஒப்புக் கொண்டார்கள். அவர்களுடன் சில நண்பர்களைச் சேர்த்துக்கொண்டு இலவச பயிற்சி வகுப்பு துவக்கினோம். அதில் முதல் தலைமுறையைச் சேர்ந்த ஏழை எளிய தாழ்த்தப்பட்ட பிற்படுத்தப்பட்ட சமுதாயத்தைச் சேர்ந்த ஏராளமானோர் சேர்ந்தார்கள். கிட்டத்தட்ட 150 பேருக்கு மேல் அதில் சேர்ந்து படித்தார்கள்.

 அவர்களில் கிட்டத்தட்ட முப்பது பேர் இங்கு பணியில் அமர்ந்தார்கள். இங்கு சேர முடியாதவர்கள்கூட மற்ற நிறுவனங்களில் நடைபெற்ற தேர்வில் கலந்துகொண்டு அங்கு தேர்வானார்கள். எல்லாம் நாம் கொடுத்த பயிற்சியே காரணம். அவர்களில் பெரும்பாலோர் கட்டணம் செலுத்தி படிக்க இயலாத உண்மையான ஏழைகள்தான் அதிகம்.

பயிற்சி சிறப்பாக முடிந்த பிறகு பயிற்சி நிறைவு விழா சிறப்பாக நடைபெற்றது. திராவிடர் கழகத்தின் துணைத்தலைவர் மானமிகு கலி.பூங்குன்றன் அவர்கள் கலந்துகொண்டு பயிற்சி பெற்ற மாணவர்களை வாழ்த்தியும் பயிற்சி அளித்த ஆசிரியப்பெருமக்களுக்குப் பாராட்டி பரிசளித்தும் பேசினார். பொதுமேலாளர் திரு சவுந்திரராசன்ää கூடுதல் பொதுமேலாளர் திரு மோகன் ஆகியோரும் அவ்விழாவில் கலந்துகொண்டு பாராட்டிப் பேசினர்.

அய்யா கவிஞர் கலி பூங்குன்றன் அவர்கள் பேசும்போது பெரியார் இயக்கம் என்றால் இப்படித்தான் இருக்க வேண்டும் என்பதற்கு இந்த நிகழ்வே சான்று என்று பாராட்டிப் பேசினார்.
இது நம் தொழிற்சங்க வரலாற்றில் பொன்னெழுத்துக்களால் பொறிக்கப்பட வேண்டிய சாதனையாகும்.

திலகர் பிறந்த நன்னாளில் பிஎம்எஸ் துவக்கப்பட்டது

பிஎம்எஸ் ஸின் 57ம் ஆண்டுவிழாவும், ஊழலுக்கு எதிரான விழிப்புணர்வுத் தெருமுனைப் பிரச்சாரம் என்ற தலைப்பிட்டு பிஎம்எஸ் துண்டறிக்கை வழங்கியுள்ளது. அதில் 1955ம் ஆண்டு ஜூலை 23ம் நாள் தத்தோபந்த் தெங்கடிஜி அவர்களால் திலகர் பிறந்த நன்னாளில் பிஎம்எஸ் துவக்கப்பட்டதாக குதூகலத்துடன் கூறியுள்ளார்கள்.

அப்படியானால் இவர்களது குருநாதர்களில் திலகர் பெருமான் முதன்மையானவர் என்பது நன்கு விளங்குகிறது. எனவே, திலகருடைய கொள்கைகளில் பிஎம்எஸ் ஸ_க்கு முழு உடன்பாடு இருக்கும் என்பதில் அய்யமில்லை.

இருந்தாலும் பிஎம்எஸ் இன்று அணிந்திருக்கும் முகமூடி நமக்கு சில அய்யங்களைத் தோற்றுவித்துள்ளது. அந்த அய்யங்களை பிஎம்எஸ் போக்குமா?

திலகர் பெருமான் ~~சுயராஜ்யம் நமது பிறப்புரிமை|| என்று முழங்கினார். அதில் நமக்கு எந்த அய்யமும் இல்லை. ஆனால் அவரது சுயராஜ்யத்தில் மனுஸ்மிருதிதான் சட்டமாக இருக்க வேண்டும் என்று அவர் கூறியுள்ளார். அத்துடன் கற்றறிந்தவர்கள் மற்றும் பார்ப்பனர்களின் உதவியுடன் அரசன் ஆட்சி நடத்த வேண்டும் என்றும் கூறியுள்ளார். ~~ ~~Our law is manusmiriti’’ and pointed out that the law (Manusmiriti) orders king to administrate with the help of learned persons and Brahmins vd;W Samagra Logmanya Thilak Volume VI pages 449-450  என்ற நூலில் குறிப்பிடப்பட்டுள்ளது.
அத்துடன் பம்பாய் மாகாண சட்டமன்ற மேலவையில் பல்வேறுபட்ட தொழில் செய்பவர்களுக்கும் இடம் அளிப்பதை எதிர்த்து திலகர் ஆதானியில் 1917 நவம்பர் அன்று பேசிய தனது பேச்சில் கடுமையான மொழிpயில் ஒரு தீவிரமான வாதத்தை முன்வைத்தார்.

~~தொடக்கக் கல்விக்குப்பின் இடைநிலைக் கல்வியைத் தொடர வேண்டாம் என்று தீண்டத்தகாத மக்களுக்கு திலகர் ஆலோசனை கூறினார் இதன்மூலம் தீண்டத்தகாத மக்களின் ஜாதித் தொழில்களை அவர்கள் தொடர்ந்து கடைப்பிடிப்பதை நம்பிய திலகர் அவர்களுக்கு உயர் கல்வி அளிக்கப்படுவதை எதிர்த்தார்”
இதன் தொடர்ச்சியாகத்தான் திலகருடன் ஒத்த கருத்துள்ளவரான ராஜாஜி தமிழகத்தில் 1952ல் ஆட்சிக்கு வந்து

குலக்கல்வித்திட்டத்தைக் கொண்டு வந்து தாழ்த்தப்பட்ட பிற்படுத்தப்பட்ட மாணவர்கள் (மட்டும்) ஒருவேளை படிப்புää ஒருவேளை அவனவன் அப்பன் தொழிலைச் செய்ய வேண்டும் என்று உத்தரவு போட்டார் என்பதையும் கவனிக்க வேண்டும்.
அத்துடன் சோலாப்பூரில் நடைபெற்ற பொதுக்கூட்டத்தில் பேசிய திலகர் என்ன சொன்னார் தெரியுமா? எண்ணெய்க் கடைக்காரர்களும் புகையிலைக் கடைக்காரர்களும் வண்ணார்களும் மற்றவர்களும் (பார்ப்பனரல்லாதாரை இப்படித்தான் அவர் வர்ணித்தார்) சட்டமன்றத்துக்குச் செல்ல ஆசைப்படுவது ஏன் என்று தனக்குப் புரியவில்லை என்றார்.

அவரது கருத்துப்படி இவர்களது வேலை சட்டத்துக்குக் கீழ்ப்படிந்து நடப்பதே தவிர சட்டங்களை இயற்றும் அதிகாரத்துக்கு ஆசைப்படுவது அன்று என்பதாகும். (அண்ணல் அம்பேத்கர் எழுதிய~காந்தியும் காங்கிரசும் தீண்டப்படாத மக்களுக்குச் செய்தது என்ன?| என்ற நூல் பக்கம் 254)

இதனை பிஎம்எஸ் ஏற்றுக் கொள்கிறதா? தாழ்த்தப்பட்ட- பிற்படுத்தப்பட்ட தொழிலாளர்களை தங்கள் சங்கத்தில் சேர்த்துக்கொண்டு அவர்களுக்காகப் பாடுபடுவதாக் கூறுவதெல்லாம் யாரை ஏமாற்ற? திலகர் கூற்றுப்படி மனுதர்மம் சட்டமானால் இவர்கள் கதி என்ன?  இந்த மொழி புரிந்தால் அறிவுநாணயத்துடன் பிஎம்எஸ் பதில் சொல்லட்டும்.                    

பொறியாளர் நிரந்தரம், மேற்பார்வையாளர் நிரந்தரம், ஆர்டிசான் மட்டும் தற்காலிகம் - இது ஏன்?

பொறியாளர் நிரந்தரம், மேற்பார்வையாளர் நிரந்தரம், ஆர்டிசான் மட்டும் தற்காலிகம் - இது ஏன்? ஏன்? ஏன்? என்று ஒவ்வொருவரும் கேட்கிறார்கள். அதுதான் நம்முடைய நாட்டின் கலாச்சாரம். நமது பாரத கலாச்சாரத்தில் மனுதர்மம் நீண்ட காலமாக ஆட்சி செய்தது.

 உடலுழைப்புத் தொழிலைச் செய்யக்கூடியவர்கள் பிற்படுத்தப்பட்ட தாழ்த்தப்பட்டவர்கள். உழைத்துப்போடுவது மட்டுமே அவர்கள் கடமை. கூலி அவர்கள் கேட்கக் கூடாது. கூலி கொடுத்தோ கூலி கொடுக்காமலோ வேலை வாங்கலாம் என்பது மனுஸ்மிருதி. அந்த மனுஸ்மிருதி ஏதோ செல்லரித்த ஏடுகளில் இருப்பதல்ல. இன்னும் நடைமுறையில் இருப்பதற்கு உதாரணம்தான் நம் நிறுவனம்.

அந்த மனுதர்ம மனப்பான்மை உள்ள அதிகாரிகள் கார்ப்பரேட் முழுக்க ஆதிக்கம் செலுத்திக் கொண்டிருக்கிறார்கள். அவர்கள் வைத்ததே சட்டம். செய்வதே நிர்வாகம். கேட்க யாரும் இல்லை. முதல் பேட்ஜ் ஊழியர்கள் தற்காலிகமாக நியமனம் செய்யப்பட்டபொழுது எந்த சங்கமும் கண்டுகொள்ளவில்லை.

திராவிடர் தொழிலாளர் கழகம் மட்டும்தான் அதனைத் தட்டிக் கேட்டு துண்டறிக்கை வெளியிட்டது.

 ஏனென்றால் தி.தொ.க தேர்தலுக்காக உள்ள அமைப்பு அல்ல.

இது முதல் பேட்ஜ் ஊழியர்கள் அனைவருக்கும் தெரியும். இன்று மாய்ந்து மாய்ந்து எழுதுபவர்கள் எல்லாம் அன்று எங்கே சென்றார்களோ தெரியவில்லை. 2007ல் தேர்தலில் தற்காலிக ஊழியர்களுக்கும் ஓட்டுரிமை வந்தது. உடனடியாக எல்லோருக்கும் அவர்கள்மீது கரிசனம் பொத்துக்கொண்டு வந்தது. அதற்குப்பிறகுதான் நான் முந்தி நீ முந்தி என்று காட்டிக்கொள்கிறார்கள். இப்பொழுதும் அவர்களுக்கு ஓட்டுரிமை இல்லை என்றால் யாரும் அவர்களைக் கண்டுகொள்ள மாட்டார்கள் என்பதுதான் உண்மை.

ஆனால் யாரும் காரணத்தைச் சரியாக உணரவில்லை. ஆர்டிசானாக இருப்பவர்களில் 99 சதவிகிதம் முதல் தலைமுறையைச் சேர்ந்தவர்கள். அப்பா – அம்மா கூலித் தொழிலாளி, அல்லது விவசாயக்கூலி, மூட்டை சுமப்பவர், நெசவாளர், தச்சு வேலை செய்பவர், கொத்தனார், சித்தாள், பீடி சுற்றுபவர் கல் உடைப்பவர் செருப்புத் தைப்பவர் துணி வெளுப்பவர் இப்படித்தான் இருக்கிறார்கள். இதில் யாரும் அதிகாரிகள் வீட்டுப்பிள்ளைகளோ டாக்டர் வீட்டுப் பிள்ளைகளோ எஞ்சினியர் வீட்டுப்பிள்ளைகளோ அய்ஏஎஸ் அய்பிஎஸ் வீட்டுப்பிள்ளைகளோ கிடையாது. ஒரு ஜிஎம் ஏஜிஎம் வீட்டுப்பிள்ளைகளும் கிடையாது. இவர்களெல்லாம் மேல்தட்டு அய்ஸ்கிரீம் வகுப்பைச் சேர்ந்தவர்கள்.

அத்துடன் பார்ப்பனரில் ஏழை இல்லையா? அவர்களுக்கும் பொருளாதார அளவுகோலில் இட ஒதுக்கீடு அளிக்கக்கூடாதா? என்றெல்லாம் வியாக்கியானம் பேசுகின்றார்கள்.

அடுத்த வேளை கஞ்சிக்கில்லாத  உஞ்சிவிருத்திப் பார்ப்பான் வீட்டுப்பிள்ளையும் யாரும் கிடையாது. ஏனென்றால் இந்த வேலை முழுக்க முழுக்க உடலுழைப்பு சம்மந்தப்பட்ட வேலை. உடலுழைப்பு என்பது நம் அர்த்தமுள்ள பாரதப் பண்பாட்டில் கேவலமானது. அதனால் அதில் யாரும் போட்டிபோடுவது இல்லை.

நூற்றுக்குப் பத்துப்பேர் பார்ப்பன வீட்டுப் பிள்ளை இருந்திருக்குமேயானால் இந்தத் தற்காலிகம் என்பதெல்லாம் ஒருநொடியில் நிரந்தரம் ஆகியிருக்கும். எஞ்சினியரில் பார்ப்பனப்பிள்ளை இருக்கிறது. சூப்பர்வைசரில் பார்ப்பனர் வீட்டுப்பிள்ளை இருக்கிறான். அதனால் அவர்களெல்லாம் எடுக்கும்போதே நிரந்தரம். தொழிலாளரில் அப்படி யாரும் இல்லை. அதனால் அவர்கள் தற்காலிகம். இந்தக் கஷ்ட நஷ்டமெல்லாம் அதன் காரணமாகத்தான்.

இந்தத் தத்துவத்தைப் புரிந்துகொள்ளாமல் புரிந்தும் புரியாததுபோல் நடிப்பதெல்லாம் காரியத்துக்கு ஆகாது. இந்த மனுதர்மத்தையும் பார்ப்பன ஆதிக்கத்தையும் அழித்து ஒழிக்கும் நாளே தொழிலாளர்களின் உண்மையான விடுதலை நாளாகும். தயாராவீரா?

டெக் - அப் பெற்றது இவர்களது சாதனை என்றால் ஒரு பேட்ஜ் தவிர அடுத்த பேட்ஜ் ஏன் எடுக்கப்படவில்லை?

ஆரம்ப காலத்தில் நமது நிறுவனத்தில் அய்டிஅய் படித்துவிட்டோ அல்லது டிப்ளமா படித்து விட்டோ வருபவர்கள் மேற்படிப்பு படித்து வந்தால் அவர்களுக்கு முறையான தேர்வு வைத்து அனைவருக்கும் பதவி உயர்வு கொடுத்து வந்தது நிர்வாகம். 1989க்குப்பிறகு அது நிறுத்தப்பட்டு உயர் படிப்பு படித்த எவருக்கும் பதவி உயர்வு மறுக்கப்பட்டது. கிரேடு 1 டு சார்ஜ்மேன் பதவி உயர்வில்கூட அவர்களது உயர் படிப்பு கணக்கில் எடுத்துக்கொள்ளப்படுவதில்லை.

அந்தக் காலக்கட்டத்தில் சுமார் 400 பேருக்குமேல் தொழிலாளர்களில் டிப்ளமா பிஈ எம்ஈ என்று படித்திருந்தார்கள். இவர்களுடைய கோரிக்கையை நிர்வாகம் ஏற்றுக்கொள்ளவில்லை. பிஎம்எஸ் உட்பட எந்த சங்கமும் கண்டுகொள்ளவில்லை. அதனால் DIPLOMA HOLDERS ASSOCIATION என்ற பெயரில் அமைப்பைத் துவக்கி அதன் பெயரில் சென்னை உயர்நீதி மன்றத்தில் வழக்குத் தொடுக்கப்பட்டது.

வழக்கு விசாரணையின்போது நீதிபதிகள் கேட்ட வினாவின் அடிப்படையில் நிர்வாகம் அவர்களுக்குப் பதவி உயர்வு வழங்க ஒத்துக்கொண்டு 40 பேரை மட்டும் ஒரே ஒரு பேட்ஜ் டெக் அப் எடுத்தது. தொழிற்சங்கங்கள் தலையீடோ, அந்தந்தத் துறை நிர்வாக அதிகாரிகளின் தலையீடோ எதுவுமின்றி மனிதவள மேலாண்மை நிர்வாகம் முறையாக நேர்மையாக சரியாகத் தேர்வு நடத்தி அந்த 40 பேரைத் தேர்ந்தெடுத்தது. அந்த நாற்பது பேருக்கும் மூன்று மாதம் பயிற்சிப்பள்ளியில் வகுப்பு முடிந்தவுடன் அவரவர் துறைக்கு பயிற்சிக்காக அனுப்பப்பட்டனர். ஆனால் உற்பத்தித்துறையைச் சேர்ந்த அதிகாரிகள் அவர்களுக்கு பயிற்சி அளிக்க மறுத்து விட்டனர். இதனையும் பிஎம்எஸ் உட்பட எந்த சங்கமும் தட்டிக் கேட்கவில்லை.

அதற்குப்பிறகு அவர்கள் மீண்டும் பயிற்சிப்பள்ளியின் கட்டுப்பாட்டிற்கு அனுப்பப்பட்டு தரக்கட்டுப்பாடு போன்ற வேறு துறைகளில் பயிற்சி அளிக்கப்பட்டது. அந்தப் பயிற்சி முடிந்த உடன் அவர்களுக்கு சார்ஜ்மேன் பதவி உயர்வு வழங்காமல் மறுபடியும் அவர்களது பழைய துறைக்கே அனுப்பப்பட்டார்கள். அந்தத் துறையில் அவர்களை மீண்டும் பழைய வேலையைச் செய்யச் சொன்னார்கள். எல்லோரும் பழைய வேலையையே செய்தார்கள். இப்படி எட்டு மாதங்கள் பழைய வேலையை செய்த பிறகு நிர்வாகம் எந்தத் தேதியில் பயிற்சி முடித்தார்களோ அந்தத் தேதியிலிருந்து ஆணை வழங்காமல் டிசம்பர் மாதம் தேதியிட்டு ஆணை வழங்கியது. அதனால் அவர்களது அடுத்த பதவி உயர்வு ஜூனுக்குத் (ஓராண்டு) தள்ளிப் போனது.

இவ்வளவு கொடுமைகள் இழைக்கப்பட்டிருக்க பிஎம்எஸ் இந்த டெக் அப் பெற்ற விவகாரம் தன்னுடைய சாதனை என்கிறது. இது பிஎம்எஸ் ஸினுடைய சாதனை என்றால் அவர்களுக்குப் பயிற்சியளிக்க மறுக்கப்பட்டதுää பயிற்சி முடிந்தபின் எட்டு மாதங்கள் பழைய வேலையையே செய்ததுää ஓராண்டுக்கு முன்பே கிடைத்திருக்க வேண்டிய பதவி உயர்வு ஓராண்டு கழித்துக்கிடைத்தது போன்ற வேதனைகளுக்கெல்லாம் பிஎம்எஸ் பொறுப்பேற்குமா?

இதில் ஒரு வேடிக்கை என்னவென்றால் டிப்ளமா அசோஷியேசனால்  TECH APP கிடைத்ததைப் பயன்படுத்தி பிஎம்எஸ் ஸின் முக்கிய பொறுப்பாளர் ஒருவர் (அவர் ஒரு மாற்றுத்திறனாளி) எம்ஈ படித்திருந்ததால் ரங்கராஜன் குமாரமங்கலம் மூலமாக அகில இந்திய அளவில் தனியாக அவருக்காகவே பிஈ படித்த மாற்றுத்திறனாளிக்கு பதவி உயர்வு வழங்கப்படும் என்று ஒரு விளம்பரம் செய்து அவருக்காகவே அகில இந்திய அளவில் ஒரு தேர்வுக்குழு அமைத்து தேர்வு நடத்துவதாக பாவ்லா செய்து அவருக்கு பொறியாளர் பதவி உயர்வு பெற்றுக்கொடுத்து அறுவடை செய்து கொண்டது. இது ஒன்று வேண்டுமானால் பிஎம்எஸ் ஸின் சாதனையாக இருக்கலாமே தவிர எங்களுடைய சங்கச் செயலாளர் உட்பட பிஎம்எஸ்ஸால் யாருக்கும் ஒரு காதொடிந்த ஊசி அளவு கூடப் பயன் இல்லை என்பதுதான் உண்மை.

டெக் - அப் பெற்றது இவர்களது சாதனை என்றால் ஒரு பேட்ஜ் தவிர அடுத்த பேட்ஜ் ஏன் எடுக்கப்படவில்லை? காரணம் நிர்வாகம் அந்த வழக்கை நீதிமன்றத்தில் தனக்கிருந்த செல்வாக்கின்மூலம் தள்ளுபடி செய்ய வைத்து விட்டது. இதற்கும் பிஎம்எஸ் பொறுப்பேற்குமா? புதிய ஊழியர்கள் உண்மை உணர வேண்டும்@ பிஎம்எஸ் ஸின் புருடாக்களைக்கண்டு ஏமாறக் கூடாது என்பதற்காகவே இந்த விளக்கம். பிஎம்எஸ் தன்னுடைய புருடாவை இத்துடன் நிறுத்திக்கொள்ள வேண்டும் என்று கேட்டுக்கொள்கிறோம்.

ஆர்எஸ்எஸ் சுக்கும் தங்களுக்கும் சம்மந்தமே இல்லை. நாங்கதான் அக்மார்க் ISI,ISO தொழிற்சங்கம்

நம்ம BHEL லில் 1996ல நடந்த பங்குபெறும் சங்கத்தேர்தலில நம்ம மோடி சொன்ன மாதிரி நாங்க வந்தா வானத்த வில்லா வளைப்போம், மணலக் கயிறாத் திரிப்போம் னு கத விட்டு ஜெயிச்சாங்க. ஜெயிச்சு வந்து நம்ம மோடி மாதிரியே மோடி மஸ்தான் வித்தை காட்டினாங்களே தவிர ஒரு புல்லையும் புடுங்கல. அதனால அடுத்து வந்த மூனு தேர்தல்லயும் ஓட ஓட விரட்டினாங்க தொழிலாளிங்க.

நாங்கதான் ஒழுக்கமானவங்க ரொம்ப ரொம்ப யோக்கியமானவங்க ன்னு சொன்னவங்க ஒழுக்கமாவும் யோக்கியமாவும் ஆபீசக் காலி பண்ணல. விட்ட பதவிய எப்படியாவது புடிச்சு அலுவலகத்தத் தக்க வச்சுக்கனுமின்னு எவ்வளவோ குட்டிக்கரணம் அடிச்சுப் பாத்தும் கதையாவல. ஒரு நியாயமான அதிகாரி மரியாதயா ஆபீசக் காலி பண்ணுங்கன்னு நோட்டீஸ் குடுத்து அவங்க காலி பண்ணாததால ரெண்டு பூட்டுப்போட்டு இழுத்து மூடினாரு.

அத எதிர்த்து கேசு போட்டதா பாவலா பண்ணினாங்க இந்த யோக்கியவான்கள். எல்லாம் சட்டப்படிதான் நாங்க நடப்போம்னு சொல்றவங்க எந்த சட்டப்பிரிவையும் காட்டி அதன்படி இந்த ஆபீசைப் பயன்படுத்த எங்களுக்கு உரிமை இருக்குதுன்னு கேசு போடல. தொழிலாளர் சட்டம், தொழிற்சங்க சட்டம் இந்தப்பிரிவு இந்த செக்ஷன் அப்படீன்னு எதையுமே காட்டல. பொதுவா இந்திய அரசியல் சட்டப்படின்னு ஒரு கேசப் போட்டாங்க. எடுத்த எடுப்பிலேயே தள்ளுபடி செய்ய வேண்டிய ஜட்ஜ் அதுக்கும் ஒரு தீர்ப்புச் சொன்னாரு. அதுல இவங்க ஆபீசக் காலி பண்ணினது தப்புன்னும் சொல்லல. இவங்களுக்கு ஆபீசத் தொறந்து உடனும்னும் சொல்லல.

ஒரு பொது இடத்த ஆக்கிரமிச்சவங்கள எப்படி முறைப்படி நோடடீஸ் கொடுத்து காலி பண்ணனுமோ அப்படிக் காலி பண்ணுங்க அப்படின்னுதான் நிர்வாகத்துக்கு ஜட்ஜ் உத்தரவு போட்டாரு. ஆனாää நம்ம ஹிந்துத்துவா மேனேஜ்மென்ட் ஏதோ உச்சநீதிமன்றத் தீர்ப்ப அமல்படுத்தறதா நெனச்சுக்கிட்டு ஒடனடியா ஆபீசத் தொறந்து உட்டுட்டாங்க.

எப்படி தேர்தலில் தோற்ற சங்கத்துக்கு அலுவலகத்தத் திறந்து வுட்டீங்கன்னு நாங்க நிர்வாகத்தக் கேட்டோம். அதுக்கு ஹிந்துத்துவா மேனேஜ்மென்ட் என்ன சொன்னது தெரியுமா? அவங்க PURELY தொழிற்சங்க வேலைக்குத்தான் அந்த ஆபீசப் பயன்படுத்தறாங்கன்னு தலையில அடிச்சுச் சத்தியம் செஞ்சது.

அப்படிச் சத்தியம் செஞ்ச நிர்வாகத்தின் மூஞ்சியக் கிழிச்சுத் தொங்க விடுற மாதிரி அவங்க சொன்ன ஒரு சில நாட்களிலேயே அந்த ஆபீசில RSSகுருபூஜை விழா நடத்த ஏற்பாடானது. எல்லாவற்றிலும் ரகசியம் காப்பாற்றும் அந்த ரகசிய திருட்டுக்கும்பல் இந்த விசயத்தில ரகசியத்தக் காப்பாத்த முடியல. எங்க கைக்கே அந்த நோட்டீஸ் கெடச்சது.
நிர்வாகத்துக்கு அதச் சுட்டிக்காட்டி இப்பவாச்சும் அவங்க அலுவலகத்த உடனே காலிபண்ணச் சொல்லுங்க அப்படீன்னு கடிதம் கொடுத்தோம்.

ஆனா நிர்வாகம் அந்தக் குருபூஜையை நிறுத்துச்சே தவிர அலுவலகத்த இன்னமும் காலி பண்ணல. எப்படியாச்சும் அவங்கள அடுத்த தேர்தலில ஜெயிக்க வச்சே தீரணும். அப்பத்தான் தொழிலாளர்களுக்கு எதிரா நாம நெனக்கறதயெல்லாம் செயல்படுத்த வசதியா இருக்கும் னு நிர்வாகமே அவங்கள வளத்து விட்டுக்கிட்டு இருக்குது. அவங்க விரிக்கிற வலையில சிக்கி மோசம் போகாதீங்கன்னு எமதருமைத் தொழிலாளர்களை அன்போட கேட்டுக்குறோம்.

இதோ ஆர்எஸ்எஸ் சுக்கும் தங்களுக்கும் சம்மந்தமே இல்லை. நாங்கதான் அக்மார்க் ISI,ISO தொழிற்சங்கமுன்னு சொன்னவங்க போட்டிருந்த முகமூடி அதுக்கு சப்பைக் கட்டுக்கட்டின நிர்வாகத்தோட முகமூடி ரெண்டும் கிழிஞ்சு தொங்குது.





ஆர்எஸ்எஸ், பிஜேபி,பிஎம்எஸ் எல்லாம் ஒன்றுதான் என்று நீயாகவே ஒத்துக் கொள்ளும்வரை உன்னை விடப்போவதில்லை!
01.04.2015

விஸ்வகர்மா பிறந்த நாளுக்கு திதிநட்சத்திரம் எதுவும் சொல்வதில்லை.

இந்து மதத்தில் இந்தக்கடவுள் இந்த தேதியில்தான் பிறந்தார் என்று சொல்ல முடியாது. கிருஷ்ணன் அஷ்டமியில் பிறந்தான்@ இராமன் நவமியில் பிறந்தான்@ விநாயகன் சதுர்த்தியில் பிறந்தான்@ முருகன் சஷ்டியில் பிறந்தான் என்று அவர்கள் பிறந்த திதியைச் சொல்லுவார்கள். பிஎம்எஸ் காரர்கள் மேற்சொன்ன கடவுளர்களைப்போல விஸ்வகர்மா பிறந்த நாளுக்கு திதிநட்சத்திரம் எதுவும் சொல்வதில்லை.

இவர்களது இந்துமதத்தின்படி ஒரு குறிப்பிட்ட ஆண்டில் குறிப்பிட்ட தேதியிலும் கொண்டாடுவதில்லை. வெள்ளைக் காரனை மிலேச்சர் அதாவது கீழானவர்கள் என்பார்கள். அந்த மிலேச்சனான வெள்ளைக்காரர்களது ஆண்டுக்கணக்கில் செப்டம்பர் மாதத்தில் அதுவும் 17ந்தேதி பிறந்தார் என்கிறார்கள். அதற்கு என்ன ஆதாரம் என்றால் ஆதாரம் காட்ட வேண்டிய அவசியம் இல்லை என்கிறார்கள்.

இருந்தால்தானே ஆதாரம் காட்டுவதற்கு? அந்த செப்டம்பர் 17 அன்று தமிழர் அனைவரும் தந்தை பெரியார் என்று அன்போடு அழைக்கின்ற பெரியார் பிறந்தநாள். அதனால் அந்த நாளுக்குப் பெருமை வந்து  விடக்கூடாது என்பதற்காக அந்த நாளைத் தேர்ந்தெடுத்திருக்கிறார்கள் என்று நாங்கள் குற்றம் சாட்டுகிறோம்.

 ஆனால் அவர்களில் அதிபுத்திசாலி ஒருவர் நாங்கள் செப்டம்பர் மாதத்தைக் கணக்கிலெடுக்கவில்லை. செப்டம்பர் 17 புரட்டாசி 1ந் தேதி வருகிறது. அதனால் புரட்டாசி 1அய்த்தான் நாங்கள் விஸ்வகர்மா பிறந்தநாளாகக் கொண்டாடுகிறோம் என்று உளறினார். .

அதாவது உண்மையா? 2011ம் ஆண்டு ஆவணி 31ந்தேதியே செப்டம்பர் 17 வந்தது. அந்த ஆண்டும் செப்டம்பர் 17ல்தான் விஸ்வகர்மா ஜெயந்தி கொண்டாடினார்கள்.

 விஸ்வகர்மாவைப் பற்றிப் புராணங்களில் கூறப்பட்டுள்ள கதை ஒன்று இவர்களது அறிவுக்குச் சான்று: விஸ்வகர்மாவின் மகளை சூரியன் திருமணம் செய்துகொண்டானாம். சூரியனின் வெப்பத்தைத் தாங்கமாட்டாமல் அவள் தன்னுடைய வேலைக்காரியை சூரியனுடன் அனுப்பி வைத்தாளாம்.

அவள் இரண்டு பிள்ளை பெற்ற பிறகு சூரியனுக்கு சந்தேகம் வந்ததாம். (இரண்டுபிள்ளை பெறும்வரை அவள் முகத்தைப் பார்க்கவில்லைபோலும்) சூரியன் விஸ்வகர்மாவிடம் முறையிட்டானாம். விஸ்வகர்மா அவனது மகளிடம் கேட்டானாம். சூரியனின் வெப்பம் தாங்க முடியாததால் வேலைக்காரியை அனுப்பி வைத்ததாகக் கூறினாளாம். அதற்குப்பிறகு சூரியனின் வெப்பத்தைக் குறைக்க விஸ்வகர்மா சூரியனில் ஒரு பகுதியை வெட்டி எடுத்து சிவபெருமானுக்கு சூலாயுதமும் விஷ்ணுவுக்கு சக்கராயுதமும் செய்து கொடுத்தானாம். இப்படிப்போகிறது இந்தக்கதை.

இதை அறிவுள்ள மக்கள் யாராவது ஏற்றுக்கொள்ள முடியுமா? சூரியன் என்ன இரும்புத்தகடா? அல்லது செப்புத் தகடா வெட்டி எடுக்க? அவன் எந்த முறையில் வெட்டிஎடுத்தான்? GAS CUTTING ஆ அல்லது PUG CUTTING ஆ? அல்லது HACKSAW CUTTING ஆ? எங்கே நின்றுகொண்டு வெட்டியெடுத்தான்?

சூரியன் மனிதனா? கடவுளா? அவன் திருமணம் செய்து பிள்ளை குட்டி பெற்றெடுத்தானா?

இதையெல்லாம் உண்மை என்று நம்பினால் விஸ்வகர்மா என்ற ஒருவன் இருந்தான் என்பதையும் நம்பலாம்.

நீ சொல்வதை அறிவு சிறிதுமற்ற காட்டுமிராண்டிகள் நம்பலாம். பெல் மனிதவளத்துறை அதிகாரிகள் வேண்டுமானால் நம்பி

செப்டம்பர் 17ல் தந்தை பெரியார் பிறந்தநாளில் விஸ்வகர்மா ஜெயந்தி(?) கொண்டாட அனுமதி கொடுக்கலாம். பெரியார் பிறந்தநாளுக்கு அனுமதி மறுக்கலாம். ஆனால் இந்த அறிவியல் யுகத்தில் அனைத்து அறிவியல் சாதனங்களையும் பயன்படுத்துகின்ற அறிவுள்ள தொழிலாளர்களும் நம்ப வேண்டுமா?
எனவேää தொழிலாளர்களே! நம்மைக் காட்டுமிராண்டிக் காலத்துக்கு அழைத்துச்செல்லும் பிஎம்எஸ் சின் பித்தலாட்டத்தைப் புரிந்துகொள்வீர்! அவர்களுக்கு சரியான பாடம் புகட்டுவீர்!            

தொழிலாளர்கள் தற்காலிக ஊழியராக இருப்பதற்கும் அவர்களுக்கு இவ்வளவு தொல்லைகள் வருவதற்கும் நீங்களும் உங்கள் கொள்கையும்தான் காரணம்.

நிர்வாகம் சட்டப்படி நடந்து பிஎம்எஸ்ஸின் அலுவலகத்துக்குப் பூட்டுப்போட்டது. அதற்கும் திராவிடர் தொழிலாளர் கழகத்துக்கும் எந்த சம்மந்தமுமில்லை. தி.க. காரன் பேச்சைக் கேட்டுத்தான் நிர்வாகம் பூட்டுப் போட்டது என்று புலம்புகிறது பிஎம்எஸ்;.

நீங்களோ இந்தியாவிலேயே பெரிய சங்கம் என்கிறீர்! அரசியலில் எங்களுக்குத் தொடர்பே இல்லையென்று கூறிக்கொண்டு மத்தியில் ஆட்சியிலிருந்தவர்களைப் பயன்படுத்தி பெல்லுக்கு ஆர்டரே வாங்கிக் கொடுத்ததாகவும் பீற்றிக் கொள்கிறீர்!

இன்றைக்கும் கார்ப்பரேட் அலுவலகமே எங்கள் பாக்கெட்டுக்குள் என்றும் சவடாலடிக்கிறீர்!

அப்படிப்பட்ட உங்கள் அலுவலகத்துக்கு எங்கள் பேச்சைக் கேட்டுத்தான் நிர்வாகம் பூட்டுப்போட்டது என்று கூறிக்கொள்ள வெட்கமாக இல்லையா?

 எப்படியோ தமிழக அரசியலில் உங்கள் சகோதரன் பிஜேபி விரட்டப்பட்டதற்கு தி.க தான் காரணமாக இருக்கிறது. அதுபோல் இங்கேயும் நீங்கள் விரட்டப்பட்டதற்கு நாங்கள்தான் காரணம் என்று ஒத்துக் கொண்டதற்கு நன்றி!

தி.க. காரன் சும்மாவாச்சுக்கும் மனுதர்மம்ää வருணாசிரமம் என்று பேசுகிறான். இப்பொழுது எங்கே இருக்கிறது மனுதர்மம்? எங்கே இருக்கிறது வருணாசிரமம்? என்று கேள்வி கேட்டு அந்த வருணாசிரமத்தை ஆதரித்துப் பேசுகிறது பிஎம்எஸ். இப்பொழுது எஞ்சினியர் சூப்பர்வைசர்ஆர்டிசான் என்று ஏற்பாடு இருப்பதுபோல அன்றைக்கும் சமுதாயத்தை நடத்துவதற்கான ஒரு ஏற்பாடுதான் வருணாசிரமம் என்று அதற்கு வக்காலத்து வாங்குகிறார் பிஎம்எஸ் பேச்சாளர் வாயிற்கூட்டத்தில்.

அதையேதான் நாங்களும் சொல்கிறோம். அதற்குப் பெயர்தான் வருணாசிரமம். அந்த ஏற்பாட்டைச் செய்ததுதான் மனுதர்மம். இன்றைக்கும் அந்த மனுதர்மப்படிதான் நம்முடைய தொழிலாளர்களும் அடிமட்டத்தில் வைக்கப்பட்டிருக்கிறார்கள்.
அந்த மனுதர்மத்தில் தொழிலாளர்கள் சூத்திரர்கள் என்று அழைக்கப்பட்டார்கள். அந்தச் சூத்திரர்களிடத்தில் கூலி கொடுத்தோää கூலி கொடுக்காமலோ வேலை வாங்கலாம்.

சூத்திரன் தனக்கு மேலுள்ள மூன்று வருணத்தானுக்கும் எந்த வித பிரதிபலனோ கூலியோ எதிர்பார்க்காமல் அவர்கள் கொடுப்பதை வாங்கிக் கொண்டு மனமுவந்து பணியாற்ற வேண்டும் என்றுதான் மனுதர்மம் சொல்கிறது. அந்த சூத்திரனுக்கு எதைக்கொடுத்தாலும் கல்வியைக் கொடுக்காதே என்பது மனுதர்மம். சூத்திரன் சொத்து வைத்துக்கொள்ள உரிமை மறுக்கப்பட்டிருந்தது.

அந்த மனுதர்மத்தின்படிதான் இன்றைக்கு நமது நிறுவனத்தில் உடலுழைப்புத் தொழிலாளர்கள் எல்லோருக்கும் கீழ்நிலையில் வைக்கப்பட்டு அவர்களை முதலில் நிரந்தரமாக எடுக்கப் போவதாக அறிவித்துää பின்னர் ஒரு ஆண்டு தற்காலிகம் என்று சொல்லி அதிலும் திருப்தியடையாத டெல்லி எஜமானர்கள் மூன்று ஆண்டு தற்காலிகம் என்று எடுத்து அதற்குப்பிறகு அதனை ஒரு வருடம் என்று குறைத்து அதிலும் திருப்தி அடையாமல் இப்பொழுது எழுத்துத் தேர்வுää செய்முறைத்தேர்வு என்று அவர்களை வஞ்சித்து வருகிறார்கள். இது அனைத்துக்கும் காரணம் மனுதர்மம்தான். அந்த மனுதர்மப்படி செய்யப்பட்ட ஏற்பாடுதான் வருணாசிரமம். அந்த மனுதர்மத்தைத்தான் (12-08-2013) அன்று நடந்த வாயிற்கூட்டத்தில் ஆதரித்து உரையாற்றுகிறார் பிஎம்எஸ் பேச்சாளர்.

அவர்கள்தான் தற்காலிக ஊழியர்களின் பிரச்சினைக்கு என்ன காரணம்? என்ன காரணம்? என்று கேட்டு எதுவுமே தெரியாததுபோல் நடிக்கிறார்கள். தொழிலாளர்கள் தற்காலிக ஊழியராக இருப்பதற்கும் அவர்களுக்கு இவ்வளவு தொல்லைகள் வருவதற்கும் நீங்களும் உங்கள் கொள்கையும்தான் காரணம். உங்களைப்போலவே மனுதர்ம மனப்பான்மை உள்ள கார்ப்பரேட் அதிகாரிகள்தான் காரணம். எனவேää உங்களை அம்பலப்படுத்தும்வரை நாங்கள் ஓயப்போவதில்லை.

  இவண்        
பெல் பெரியார் தொழிலாளர் நல உரிமைச்சங்கம். (பதிவு எண் : 460)     இணைப்பு :